Mid-deżert, fl-episodju tat-tentazzjonijiet ta’ Ġesù, iddominat mill-preżenza tal-anġli u tal-bhejjem selvaġġi; għal fuq il-muntanja fis-silta tat-Trasfigurazzjoni ta’ Ġesù fejn Pietru, Ġakbu u Ġwanni raw il-glorja tal-Iben ta’ Alla fil-preżenza ta’ Mosè u Elija; għal ġot-Tempju ta’ Ġerusalemm minn fejn Ġesù affronta lil dawk li Dar Missieru għamluha suq; għal-laqgħa bil-lejl ma’ Nikodemu l-Fariżew, bl-istqarrija ta’ Bin il-bniedem li se jkun merfugħ ’il fuq bħala mezz ta’ salvazzjoni; għall-Griegi li xtaqu jaraw lil Ġesù u d-dikjarazzjoni ta’ Ġesù li kienet waslet is-siegħa tiegħu. Permezz tat-tappi tal-Lectio Divina, Rev. Dr Martin Micallef, Biblista, qed joffri għajnuna ta’ kif għandna naqraw, nistudjaw u nitolbu bis-silta tal-Evanġelju li l-Knisja se tipproklama matul il-Ħdud tar-Randan għas-Sena B.
