Ħarsa lejn is-sema billejl tikxef bizzilla sħiħa ta’ rqaqat. Sa mill-qedem, bnedmin kurjużi nġibdu lejn din il-firxa ta’ sinjali u qraw fihom tifsiriet varji. F’dan il-ktieb, Gilbert Scicluna jistrieħ fuq l-għarfien teoloġiku u ideat misjuba fil-Bibbja, filwaqt li jinseġ magħhom spunti interessanti fuq il-lingwa, il-letteratura, u l-folklor b’rabta mas-smewwiet billejl. Għal dawk li għadhom jafu kif jistagħġbu, ġmiel is-sema billejl hu xhieda oħra tal-kobor u l-ħila ta’ min fil-bidu qiegħed kollox f’postu u ra li kien tajjeb.
