p.223
Maltese
Hardback Edition.

X'inhu l-qafas tal-ħajja kollha ta' Madre Tereża? Min kienet din il-mara? Appostla kbira tal-imħabba? Omm kuraġġjuża tal-fqar? Organizzattriċi mill-aqwa tal-għajnuniet? Komunikatriċi spontanja u hienja ta' sentimenti għonja? Għal dawn il-mistoqsijiet kollha jwieġeb dan il-ktieb ta' Saverio Gaeta, li jiddokumenta mill-aħjar l-"istil" evanġeliku ta' Madre Tereża, minsuġ minn xeħta ta' ħajja li, fis-soċjetà prepotenti u vjolenti tal-lum, jista' jkollu t-togħma tal-inġenwità iżda li huwa ġawhra ta' għerf tassew: "Nippreferi nagħmel żbalji bil-ħlewwa u l-kompassjoni, milli nagħmel mirakli bil-ġuffaġni u s-suppervja." Dan huwa s-sigriet ta' Madre Tereża, il-qaddisa tal-ifqar fost il-fqar: hija kienet "innamrata ma' Kristu", mara "minfuda bis-Salib", li fih rat il-Wiċċ ta' Alla bħala "Wiċċ ta' Mħabba" u ħasset l-għatx ta' Alla bħala "għatx ta' Mħabba". U wieġbet għall-imħabba!

Għal aktar tagħrif: https://www.ruhmalta.com/madre-tereza.php